Küncüt bitkisi.
Küncüt (susam) Asiya, Avropa, Anadolu və xüsusilə də Hindistanda yetişən kiçik bir bitki və bu bitkinin sarımtıl toxumlarına verilən addır.

Küncütün faydaları.
Yağ nisbəti və enerji dəyəri çox yüksək bir qida olan küncüt zülal, kalsium, maqnezium, potasyum minerallar və B vitaminləri baxımından çox zəngindir. Bol miqdarda yağ daşıyan bir bitki olub, ağız yoluyla alındığında işlətmə dərman effekti verir. Yaralar və sərtliklər üzərinə məlhəm kimi sürtüldüyü kimi dərman istehsalında qatqı maddəsi olaraq da istifadə edilmişdir.

Bədənə enerji verir. Cinsi gücü artırır. Tənəffüs yolu xəstəliklərinə qarşı faydalıdır. Sinəni yumşaldaraq nəfəs darlığı və bronxitə yaxşı gəlir. Antioksidant təsiri var. Xərçəngə qarşı qoruyucudur.

Küncüt necə istifadə edilir?
Küncüt toxumları simit və peçenyelərin üzərinə səpilir ki, bu da şirniyyatlara xüsusi ləzzət verir. Qovurğa hazırlayarkən buğda, küncüt, noxud, araxis, fındıq və s. qovrulur, duz vurulur, bir yerə qatılır və Novruz süfrələrimizi bəzəyir. Küncüt əzilərək tahin əldə edilir ki, bundan da tahin halvası bişirilir.

Küncüt yağı.
Küncüt toxumları mexaniki əzilərək küncüt yağı əldə edilir. Küncüt yağı boğaz sərtliyinə və öskürəyə qarşı çox faydalıdır. Küncüt yağı, reyhan suyu və zeytunyağı ilə qarışdırılıb qaynadıldığı zaman əldə edilən maye, saçları möhkəmlədir.